CAGAYAN DE ORO CITY-Gipasidunggan ni Pres Rodrigo Duterte ang 63 ka sundalo nga samaron sa pakig-engkuwentro batok sa duha ka grupo sa mga terorista nga miatake sa Marawi City,Lanao del Sur sa miaging semana.
Matud ni 4th ID spokesperson Capt Joe Patrick Martinez nga maoy gitunol ni Pres Duterte sa ilang mga kaubang sundalo ang military merit medal with a bronze spearhead device tungod sa kaisog nga nakig-engkuwentro sa mga terorista.
Gibutyag ni Martinez nga nakahatag kanila sa dugang kalig-on ang pagbisita ni Duterte matag-panahon nga adunay makalas o masamdan samtang gi-depensaan ang katawhan batok mga kaaway sa nasud.
Samtang nagbaton sa daghang samaron nga sundalo ug dili lamang 63 ang natala sa engkuwentro tali tropa sa gobierno ug mga teroristang grupo sa Marawi City.
Kini human personal gibisita ni Pres Rodrigo Duterte ang 63 ka sundalo gikan sa AFP Western Mindanao Command sa Camp Evangelista Station Hospital sa Brgy Patag sa syudad.
Gibutyag ni Martinez nga dili kalikayan ang pagsaka sa ilang mga samaron ilabina nga limitado na lamang ang lihok sa mga terorista.
Dumduman nga unang semana nga nahitabo ang engkuwentro,giduaw ni Pres Duterte ang mga sundalong samaron nga nadala sa nagkadaiyang ospital sa Iligan City.
