CAGAYAN DE ORO CITY- Mitala na sa 64-mil ka deboto ang nakasaka sa duha ka religious sites aron mamalandong partikular diha sa bukid sa Malasag sa Barangay Cugman ug Our Lady of Guadalupe nga gipatung-an sa kabarangayan sa Brgy Tablon,Agusan ug Balubal sa syudad.
Gibutyag ni Cagayan de Oro City Police Office o COCPO spokesperson Police Lt. Col. Mardy Hortillosa nga hinoon walay dagkong mga hitabo nga nakapatandog sa seguridad sa pagbalaan sa katawhan sa semana santa sugod pa kagahapong adlawa.
Dugang ni Hortillosa nga dili pa nila ipaubos ang seguridad samtang padayon ang pagdagsa sa katawhan sa duha ka religious sites nga tinuig nga dagsaan sa katawhan aron mamalandong.
Sa pagkutlo ning balita,mitala sa kapi’g 40-mil ka deboto ang nakasaka sa Guadalupe samtang 24-mil usab ang bukid sa Malasag.
