CAGAYAN DE ORO CITY – Gibantayan sa City Health Office ang 65 ka indibidwal nga ulahi gikauban sa duha ka architecture graduate nga nagpositibo sa coronavirus disease.
Nakauban pagsakay sa barko sa mga confirmed Covid-19 patients gikan Cebu City ang maong mga indibidwal.
Gibutyag ni City Epidemiologist Dr. Joselito Retuya nga padayon nga kabahin usab sa ilang gipaubos sa risk assessment ang lima ka coastguard sa Cebu ug 25 ka mga personage nga rsponder sa mga Locally Stranded Individuals.
Kabahin sa mga nakauban nga pasahero sa mga COVID-19 patients ang mga residente sa Agusan del Norte, Camiguin ug El Salvador City.
Samtang pangutan-on ni Retuya ang Cebu sa ilang paagi sa pagpapauli sa Locally Stranded Individuals o LSIs.
Kini human nahibulong si Retuya kon nganong gitugtan nga makabiyahe ang mga nagpositibo sa coronavirus.
Siya miingon nga gusto niyang mahibal-an kon unsa ang mga rekisitos sa pagpauli balik sa LSI’s.
Una nang gibutyag ni Retuya nga wala na miagi sa kwarantinas ang mga pasyente ilabina nga anaa sa enhanced community quarantine ang Cebu ug sugod pa niadtong Enero anaa lamang kini sila sulod sa ilang apartment gumikan sa lockdown.
