CAGAYAN DE ORO CITY – Dako’g ikatabang sa pagbantay sa kahusay ug kalinaw sa tibook rehiyon ang 656 nga migradwar nga bag-ong miembro sa Police Regional Office o PRO-10.
Miingon si PRO-10 spokesperson Lt Col Mardi Hortillosa nga mahimong matarong nga pulis ang 513 ka patrolman ug 143 ka patrolwoman kon ilang sundon ug tumanon ang PNP Code of Conduct and Ethical Standard diin tudluan sila sa mga disiplina, moralidad, neutrality ug non-solicitation of political patronage.
Si Hortillosa miingon nga kulang pa ang ihap sa mga bag-ong na-hire nga pulis ilabina nga anaa sa 700 ang ilang quota ning tuiga.
Naglaum si Hortillosa nga moagwanta pa sa dugang training ang mga bag-ong graduate sulod sa usa ka tuig.
