CAGAYAN DE ORO CITY – Mi-apektar na sa libo ka hog raisers ang apektado sa walay paglurang nga pag-igo sa African Swine Fever o ASF dinhi sa dakbayan.
Kini human kompirmaha ni City Veterinary Office head Dr Anthony Acac nga anaa sa 30 ka brgy ang nasudlan sa ASF.
Gani,gidalikyatan sa ilang team alang sa dugang ‘culling operation’ ang katawhan sa Brgy 22 ug milahos sa Brgy Carmen ning syudad ning adlawa.
Minilyong balor sa ayudang pinansyal na usab gikan sa gobiernong-lokal ang natunol sa mga apektadong magba-baboy dinhi sa syudad.
Samtang mapun-an pa ang ihap sa mga baboy nga pamatyon nga gikan sa pipila ka lungsod sa Misamis Oriental.
Gibutyag ni Provincial Veterinary Office head Dr Benjie Resma nga anaa usab ang ilang team sa lungsod sa Opol ug El Salvador City alang sa pagpadayon sa pag-cull sa mga baboy nga sulod sa 500 radius gikan sa sentro sa African Swine Fever.
Miingon si Resma nga unom ka lungsod nga nasudlan sa ASF,36 ka brgy na ang apekado diin naggikan ang 2-mil 123 ka baboy nga gipang-patay nga gipanag-iya sa 550 ka hog raisers.
