CAGAYAN DE ORO CITY– Gitumbok sa grupong Movement Against Tyranny o MAT-Northern Mindanao nga ang 88th IB, Philippine Army ang ilang gidudahang mipatay sa ilang miembro sa KASILO didto sa Brgy Little Baguio, San Fernando Bukidnon.
Gibutyag ni Wilboy Lam-Uy sa maong grupo, nga kon dili ang 88th IB, Philippine Army ang mihimo sa kremin, angayan nga pangunayan nila ang pag-imbestigar sa kaso.
Kini ang hinungdan nga dako ang pagduda sa mga mag-uuma nga militar ang utok sa sunod-sunod nga pagpamatay sa ilang mga miembro sa Bukidnon.
Gikonsiderar ni Lam-Uy nga ika-18 na kini nga kaso sa Extra Judicial Killings kon EJK sa Bukidnon.
