CAGAYAN DE ORO CITY – Misaka na ngadto sa 68 ka tawo ang namatay sa pagtakboy sa sakit nga dengue sa libuang residente dinhi sa rehiyon.
Kini bisan sa hugot nga kampanya batok dengue sa nagkadaiyang probinsya sa Northern Mindanao.
Gibutyag ni Dept of Health asst regional director Dr Dave Mendoza nga paspas ang pagsaka sa ihap sa mga tawo nga natakbuyan sa maong sakit itandi sa miaging tuig.
Miingon si Mendoza nga pabiling nag-una ang Lanao del Norte nga may taas nga biktima sa dengue nga namatay,nagsunod ang Bukidnon ug ang Misamis Oriental.
Gipatuman usab sa DoH sa tibuok nasud ang national dengue outbreak tungod sa sobra kadaghan sa nagsakit ug nangamatay gikan Enero hangtod Agosto ning tuiga.
