(Update) CAGAYAN DE ORO CITY – Mitala sa tulo ka kinabuhi ang nakalas nga gilakipan sa duha ka sakop sa NPA ug usa ka sundalo nga ubos sa 1st Special Forces Batallion ang engkuwentro sa Sitio Kimutya,Brgy San Rafael,Talakag,Bukidnon.
Kini ang pagtin-aw ni 4th ID spokesperson Maj Jhun Cordero nunot sa unang report nga tulo sa ilang mga sundalo ang namatay ug laing usa ang samaron dihang gika-engkuwentro ang 70 ka rebelde nga ubos ni Dionesio Micabalo kinsa regional secretary sa CPP-NPA’s North Central Mindanao Regional Committtee dinhi sa rehiyon.
Gibutyag ni Corderno nga usa lamang ka sundalo ang namatay samtang anaa sa Camp Evangelista Station Hospital ang Cafgu member ug laing sundalo nga mga samaron.
Nakompiskar usab gikan sa mga napatay’ng rebelde ang upat ka M-16 rifles;AK-47 rifle; tulo ka bomba; 6 ka back packs;rifle grenade;tag-upat ka magazines sa M-16 ug M-14 ug uban pang mga kagamitan sulod sa encounter site.
Natigayon ang engkuwentro tungod sa operasyon sa militar aron sumpu-on ang pagngilkil sa mga rebelde sa lugar sa miaging Sabado sa buntag
