CAGAYAN DE ORO CITY – Giila nga kampeon ang grupong Limitbreak 714 samtang anaa sa ikaduhang puwesto ang SilverFox ug 3rd placer ang GamerDad30 alayon sa bangga sa online gamers nga duha ka adlaw gihimo sa activity center sa Centrio Ayala Mall ning syudad.
Kini human opisyal nga gilusad ang Misamis Oriental Grand Launching ug Gaming Event Series nga gipanguluhan sa grupo sa mga kabatan-unan dinhi sa lalawigan ug dakbayan.
Gibutyag ni MESO founder Henri Lopez nga paagi nila kini aron mas matapok pa ang mga batan-on maayo modula sa online games kaysa dili suportahan sulod sa moderno na nang panahon.
Samtang nagsilbi usab nga 3rd placer sa NBA 2K si Fernando Plata gikan sa Tagoloan, 2nd place si Kurt Bern Estoque ug mismo si Lopez ang 1st placer nga pulos taga-Cagayan de Oro City.
Samtang sa call of duty mobile,nasakmit sa Team Medina ang 1st place,ikaduhang puwesto usab ang Lawig Lagonglong ug 3rd placer ang Team Weak-MisOr alang sa open selection sa pagtapos sa ilang mga dula kagabii.
Namahayag si Lopez nga napasayon ang pagtapok sa online gamers tungod usab sa suporta sa SK officials sa ug buhatan ni Gov Bambi Emano sa probinsya.
