CAGAYAN DE ORO CITY, Philippines – Dili muminos sa 69 ka mga langyaw ang nasikop sa mga operatiba ng PNP Anti-cybercrime group ug National Capital Region Police Office (NCRPO), kinsa sekretong nag-operar sulod sa ika-23 andana sa Century Peak Tower sa Adriatico Street, Manila.
Namahayag si Police Colonel Jay Guillermo, hepe sa Cyber Response Unit sa PNP-ACG nga nakurat sila sa nagtapok nga mga langyaw sulod sa ngitngit nga lawak dihang kamulong gironda sa mga operatiba.
Lakip sa nasikop ang 34 ka mga Indonesian national, 10 Malaysian national ug 25 Chinese national.
Modus sa grupo ang LOVE SCAM, ug pagpanikas gamit ang online investment.
Ang naronda nga pasilidad maoy gikonsiderar sa kapulisan isip “Mother of all POGO hubs” dinhi sa Pilipinas.
Gumikan kini sa ilang pag-operar bisan nagpagawas na sa direktiba si Presidente Bongbong Marcos nga pasirad-an ang tanan legal ug ilegal POGO sa nasud.
