Pinaagi sa online reporting system sa Department of Agriculture (DA) Region-10, natala ang epekto sa Bagyong Basyang sa mga mag-uuma sa rehiyon.
Sumala ni DA Region-10 Director Jose Apollo Pacamalan, 69% sa mga mag-uuma ang nakaangkon og severe damages sa ilang mga umahan, 23% ang adunay partial damage, samtang 7% ang nakaangkon og minor damages.
Gipahayag ni Pacamalan nga ang kinatibuk-ang reported agricultural damages sa rehiyon nagkantidad og 1.4 billion pesos, tungod sa kadako sa nadamaging hektarya.
Dugang pa niya, ang buhatan karon nagtan-aw kung unsa pa ang magamit sa mga pananom sama sa mais nga pwede pa marekober tungod kay anaa pa sa vegetative state, samtang aduna usab mga tanom nga nasayang sa bagyo.
Naapektuhan usab ang pipila ka livestock sa mga umahan sa Iligan, Tagoloan, ug uban pang lugar sa Lanao. (James Oliver)
