CAGAYAN DE ORO CITY, Philippines – Patay ang 69 ka tawo sa labing lab-as nga airstrike sa Israeli Defense Force sa Gaza. Sa maong ihap, usa ka inahan, ug 18 ka bulan nga bata ang lakip sa nakabsan.
Nabalot sa emosyon ang mga residente sa Jabalia, human igo lamang namaklay ang mga biktima padulong sa haya dihang nahitabo ang opensiba.
Una niini, gikompirmar sa IDF nga duha sa ilang sundalo ang namatay gikan sa Givati infantry brigade, human gibombahan sila sa Hamas militants samtang nag-inspection sa mga guba nga gambalay sa Rafah.
Hugot ang pagtuo sa IDF nga nagtakuban isip mga sibilyan ang mga nahibiling nga Hamas Fighters sa Gaza.
Sa susamang adlaw, gireport sa IDF ang mukabat 780 ka sundalo nga napatay sa Hamas sukad nasugdan ang gubat niadtong Oktobre 2023.
