CAGAYAN DE ORO CITY – ALL SET na ang ilusad nga labing unang FACE-OFF-DEBATE nila Republican Standard Bearer Donald Trump batok Democrat Party Leader US President Joe Biden, takdo alas 9 sa buntag dinhi sa Pilipinas, ug alas 9 sa gabie didto sa Atlanta, Georgia, USA.
Gibutyag ni Bombo International News Correspondent Nikko Salvaña Duterte nga nagpanikad na ang duha ka kampo ilabe na nga sulod lamang sa 90 minutos ang debate.
Lakip sa tulo ka kondisyon sa ilusad nga kukabildo mao ang tag-dos minutos nga pagtubag sa isyu, ug laing USA KA MINUTO sa pagsumpaki o rebuttal.
Usa sa ipatuman ang “mics off” o pagpalong sa mikropono kung mahuman na ang dos minutos nga higayon sa pagtubag sa isyu.
Gidili ang mga “foul words” o dili maayong pinulungan, o pagsinggita.
Hatagan sa duha ka commercial breaks ang duha ka panig aron makapahuway.
Ang Host sa debate nagsumikad sa usa ka pribadong TV News Network nga nakabase sa Georgia.
