Terror Threat sa pagbukas sa Paris Olympics, nasanta na
CAGAYAN DE ORO CITY, Philippines – Gihupay sa French Police ang mikatap nga report batok sa dakung hulga sa terorismo sa unang adlaw ug engradeng pagbukas sa 2024 Paris Olympics.

Kagahapon, gisikop 40 anyos nga Russian National nga unang mihulga nga ipaubos niya sa destabilisasyon ang opening ceremony sa torneyo.

Kung mapamatud-an ang iyang plano, mahimo kining mabilanggo sulod sa 30 ka tuig sa France.

Base sa report, giakusar nga mihimog intelligence gathering ang nadakpan nga langyaw ug milaraw nga muhimo’g riot aron maguba ang pagbukas sa labing dakung torneyo sa tibook kalibutan, unyang gabie.

Nakompiskar sa posisyon sa suspek, sulod sa iyang rentado nga puy-anan ang mga dokumento nga iyang gigamit aron matuman destabilization plot sa gibansagang “Olympic Village”.

Gawas sa dinakpan nga Ruso, hugot nga gibantayan sa mga otoridad ang cyberattack, disinformation ug uban pa nga mubabag sa kalampusan sa 16 ka adlaw nga dula sa Olympics.

Dumdum nga nahuman nag balidar sa kapulisan ang video sa Hamas nga buot mangatake sa Paris.

Gibutyag sa Paris Police nga peke ang nagsirkular nga video.