CAGAYAN DE ORO CITY, Philippines – Tingkagol sa prisohan ang iladong rapper sa Amerika human nakigbugno sa mga gwardiya sa usa ka hotel, didto sa Paris.
Kagahapon, gisikop si Travis Scott human mahitabo ang komosyon sa George V hotel.
Giakusar sa mga gwardiya nga unang nangatake ang 33 anyos nga rapper.
Atua sa Paris si Scott kuyog ang iyang higala nga si Michael Rubin, usa ka sikat nga negosyante, ug kaubang rapper nga si Quavo, tungod kay tipik sila sa misaksi sa dula sa Team
USA batok Serbia.
Sa miaging bulan, nasikop gihapon si Scott sa Miami kay nakig-away sulod sa usa ka pribadong yate.
Dumduman nga niadton 2021, napulo sa mga fans ni Scott ang namatay sa stampede dihang milusad kinig lapad nga konsierto sa Astroworld festival sa Houston, Texas.
