CAGAYAN DE ORO CITY – Gipakilig sa mga sikat nga singers nga sila Moira de la Torre ingo man Juan Karlos ang katawhan nga mitambong sa ‘celebrity night’ nga kabahin sa dagkong mga kalihukan sa ‘6th Cantago’ Festival sa kapistahan sa lungsod sa Tagoloan,Misamis Oriental.
Kini human dagsa-a dili lang sa mga Tagoloanon apan bisan sa ubang bahin sa Misamis Oriental,Cagayan de Oro City ug Bukidnon ang maong kalingawan isip kabahin sa dalit nga mga aktibidad sa Nuestra Señora de Candelaria nga mag-pista sa Tagoloan sa Pebrero 2 ning tuiga.
Kini nga mga kalihukan pinanguluhan ni Tagoloan Mayor Atty. Nadya Emano-Elipe inabagan sa iyang mga igsoon nga sila Misamis Oriental 2nd District Cong. Bambi Emano,District 2nd City Councilor Yvy Emano ingon man sa sangguniang bayan ug kapitolyo probinsyal ni Gov Peter Unabia.
Miingon ang mga Emano nga kabahin lang kini sa pagsanong sa tugon sa ilang amahan nga si kanhi City Mayor Vicente ‘Dongkoy’ Emano nga dili angay talikdan ang pagsilbi sa katawhan.
Kini tugnod kay bisan kon tagud-taguron ang ilang mga kalawasan,dili sila makatugbang sa kadako sa utang kabubut-on niini sa katawhan.
Gawas sa mga ‘kilig to the bones’ nga mga kanta ni Moira ug JK diin sila nag-duet pa,mihatag usab sa dungang lingaw ang Tribu CdeO, Amazing Peanut ug JKing.
Sumala sa assessment sa kapolisan,malinawon nahuman ang kalihukan nga gitambungan sa libuang fans sa maong Manila-based celebrities.
Hisayrang sa katumanan sa kapistahan sa adlaw’ng Domingo,laing duha ka banda ang mohimo sa konsierto nga ipahigayon gihapon sa Upper Brgy Natumulan sa maong lungsod.
