Gipadayag ni Kilusang Mayo Uno Northern Mindanao Leader Tita Hadman ang dakong kabalaka kon makasugakod pa ba ang mga ordinaryong mamumuo sa 7.2% nga inflation taliwala sa gamay kaayu nga sweldo.
Gitin-aw sa lider nga bisan sa giingon sa NEDA nga malambuon ang Rehiyon Dyes, mas angay pangutan-on ang mga tawo sa ubos kon nabati ba gyud ang maong kalambuan sa ilang pamilya
.Gipamugos usab sa opisyal nga ang matuod nga sukdanan sa kalambuan kay ang kasinatian sa katawhan ug dili ang mga deklarasyon gikan sa mga aircon nga opisina.
Subay sa maong hagit, gipanawagan sa grupo ang pagsaka sa pang-adlaw-adlaw nga sweldo ngadto sa 1,200 pesos aron makatabang sa mga pamilyang nag-antos sa kalisod.
