Gimando karon ang paglihok sa tibuok nasod aron makatigom og pito ka milyon ug 7.5 million nga pirma nga gikinahanglan alang sa pagpausab sa balaod batok sa nagkalapad nga political dynasty sa nasud.
Tungod niini, gipanawagan ni Archdiocese of Cagayan de Oro Social Action Center Coordinator Bong Florendo ang katawhan nga tun-an ang petisyon sa Dapat Isa Lang movement ug mopirma online aron maduso ang tinuod nga balaod batok sa political dynasty.
Matod pa sa lider sa simbahan, gipaningkamotan sa nahisgotang inisyatiba ang pagdili sa mga paryente hangtod sa ikaupat nga lebel sa kadugo sa paggunit og pwesto sa gobyerno.
Samtang kon modaug ug mobotar og “Yes” ang kadaghanan sa gihan-ay nga pagpili sa Commission on Elections, hingpit nga mahimong balaod ang giingong petisyon duha ka semana human kini mabantog sa mga pamantalaan.
