(Update) CAGAYAN DE ORO CITY – Gihatagan sa 4th ID,Philippine Army ug Philippine Air Force sa highest military honors ang pito nila ka kauban nga namatay tungod sa pagsanong sa ilang tahas hinungdang nahagsa ang gisakyang chopper sa Impasug-ong,Bukidnon.
Miingon si 4th ID spokesperson Maj Jhun Cordero nga sa wala pa gihatod ang upat ka Air Force personnel padulong sa Mactan,Cebu gihatagan una’g pag-ila ang bayanihong gawi nila ni Lt Col Arnie Arroyo, co-pilot 2Lt Mark Anthony Caabay, PAF gunner Staff Sgt Mervin Bersabe ug Air Force 1st Class Stephen Agarrado.
Samtang nakahaya usa sa pribadong punerarya sa Malaybalay City si Army Sgt Julius Salvado, CAA CAFGU Active Auxiliary ug members Jhamel Sugalang apan si CAA member Jerry Ayucdo gihatod na sa Agusan del Sur kagahapon sa hapon.
Gikasubo sa duha ka branches sa AFP ang kalit nga kamatayon sa ilang pito ka kaubanan.
