Gipakuratan sa Philippine Drug Enforcement Agency – 10 sa pagpaubos sa drug test sa mukabat 109 ka mga drivers ug konduktor sa Bulua Terminal, Oktobre 29 sa buntag.
Subay sa inisyal nga screening migula ang report nga 7 sa na drugtest ang positibo sa paggamit sa shabu.
Hisayran nga dili na kini bag-o nga lakang sa PDEA, kay basta duol na ang Kalag-kalag, Mahal nga Adlaw ug uban pang dagkung okasyon, gapanigurado usab ang mga otoridad nga “mentally” ug “physically fit” ang drayber ug konduktor sa mga bus, TNVs, ug bisan sa mga depanpasaherong jeep, aron masigiuro nga luwas ang ilang paghatud sa destinasyon sa mga sumasakay.
Ang Oplan Harabas usa ka kampanya sa Philippine Drug Enforcement Agency (PDEA) inubanan sa LTO, LTFRB, ug DOTr aron masiguro nga ang mga drayber ug konduktor sa pampasaherong sakyanan dili “user” sa ginadili nga droga, ilabi na sa mga peak season sama sa UNDAS.
Ang pulong nga “Harabas” nagpasabot sa kusog ug kalit nga aksyon, nga nagtumong sa pagpatuman sa kalit nga drug testing sa mga terminal aron mapugngan ang aksidente ug masiguro ang kaluwasan sa mga pasahero.
Pinaagi sa maong operasyon, gipaambit sa mga ahensya ang ilang paningkamot nga mapalig-on ang kampanya batok sa ilegal nga droga ug maprotektahan ang publiko sa panahon sa dagkong biyahe.
Hisayran nga gidayeg sa daghang commuters ang ilusad nga inisyatiba sa PDEA kay mas luwas ang biyahe kung dili adik sa druga ang drayber ug konduktor.
