CAGAYAN DE ORO CITY – Nadakpan sa magkalahi nga okasyon ang pito ka suspected drug personalities alayon sa gipakusog nga kampanya batok illegal nga droga nga padayong kaylap sa pipila ka bahin sa Northern Mindanao.
Gisaysay ni Police Major Joann Navarro,tigpamaba sa Police Regional Office 10 nga maoy nadakpan sa nagkadaiyang police units ang mga suspek nga sila alyases Jay,Sam,Nik,Sonny,Botating, Ed,Rey nga nagpuyo sa tagsa-tagsa nila ka lokasyon.
Miingon si Navarro nga nakuha gikan sa posisyon ni Jay nga taga-Brgy Camaman-an ug high value individual ang 50 gramos nga adunay 340-mil ka bana-banang balor.
Nabawian usab si Sam nga taga-Tagoloan,Misamis Oriental sa 60 gramos nga gitoohang shabu nga adunay kantidad 408-mil pesos.
Na-embargo usab ang 70 gramos gikan nila nila ni Jess ug Nik nga mga taga- Brgy Gusa ang gitoohang shabu nga mikantidad 476-mil pesos.
Samtang kantidad sa 70-mil pesos ang nabawe sa mga operatiba sa Iligan City Police Office gikan kang Sonny ug Botating nunot sa 25 gramos nga gitoohang shabu.
Sila usab si Ed ug Rey ang nga taga-Tagoloan,Misamis Oriental ang nabawian sa 204-mil pesos nga 30 gramos sa gitoohang shabu.
Gawas sa sobra 1.5 milyones pesos nga nabawing shabu,nakompiskar ang nagkadaiya pang pharapernalia nga magamit pagduso’g kasong pagsupak sa Comprehensive Dangerous Drugs Act of 2002 sa piskalya.
