(Update)CAGAYAN DE ORO CITY – Mi-apektar pa sa sobra 7-mil ka pamilya ang magpila ka adlaw nang pagbaha sa halos 30 ka brgy nga sakop sa Iligan City.
Kini subay sa kompirmasyon ni Iligan City LGU information officer Joe Pantoja sukad sila naigo sa low pressure area o LPA nga nagresulta sa ulan ug grabeng mga pagbaha.
Gibutyag ni Pantoja nga hinoon walay mga kinabuhi sa tawo nga nakalas apan halos 10 ka balay ang nabanlas samtang naguba usab ang usa ilang mga tulay.
Sa pagkakaron,wala pa’y damage assessment nga mahatag kay dili pa sila makahimo’g inspection tungod sa wala pa’y paghunong sa mga pag-ulan.
Samtang gitun-an ni Iligan City Mayor Celso Regencia kuyog ang mayoriya sa konseho nga ipaubos sa state of calamity ang mga brgy nga apektado sa grabeng mga pagbaha.
Gibutyag ni Pantoja nga kabahin sa rekisito sa deklarasyon ang 30 porsiento nga pagbaton sa damyos sa kalamidad sa ilang dakbayan.
Hinoon,may igo pa sila nga pondo nga magamit bisan sa 2021 city budget kay may surplus sila nga sobra 40 milyon pesos nga mahimong magamit sa pagtubag sa pagtabang sa mga apektado.
