CAGAYAN DE ORO CITY, Philippines – Pito ka articles of impeachment ang gipasaka batok Bise President Sara Duterte. Katin-awan kini ni kanhi Supreme Court Senior Associate Justice Antonio Carpio human siya mismo ang misugyot nga kinahanglan magpatawag sa special session ang senado aron mu-abante ang impeachment trial ni Duterte.
Namugos si Carpio nga wala siyay nakitang rason kung ngangong langanon ni Senate President Chiz Escudero ang proseso, ilabe nga nasayud kini sa kahanas sa senador sa paghawid ug imbestigar sa mga bug-at nga kaso.
Taliwala sa nagpatong patong nga reklamo batok sa bise presidente, gihimong pananglitan ni Carpio ang wala nahuman nga senate impeachment trail ang upat ka reklamo batok kanhi Supreme Court Chief Justice Renato Corona, dihang nahukman kini’g guilty gikan sa iyang duha ka artikulo sa impeachment.
Tuig 2012, gikombikto sa senado si Corona sa Betrayal of public trust ug culpable violation of the constitution, hinungdan nga nalangkat sa iyang katunghdanan sulod sa Korte Suprema.
