CAGAYAN DE ORO CITY – Misaka na sa pito ka brgy opisyals ang nakasuhan sa CIDG-10 sa prosecutors office tungod sa anomaliya sa Social Ameleoration Program o SAP sa Northern Mindanao.
Kini human gireklamo sa pipila ka residente tungod sa dili patas nga pagpanghatag sa maong ayudad ngadto sa mga apektadong pamilya sa coronavirus disease.
Miingon si DILG regional director Arnel Agabe nga kabahin sa mga gikasuhan ang brgy opisyals gikan sa Lanao del Norte,Misamis Oriental,Misamis Occidental,Bukidnon ug dinhi sa syudad.
Dugang ni Agabe nga daghan pa ang ubos sa imbestigasyon subay sa mando ni Pres Rodrigo Duterte.
Samtang angayan lamang kasuhan sa administratibo ug kriminal kadtong brgy opisyales nga naakusahan sa pagkawkaw sa pondo sa SAP.
Kini ang reaksyon ni DSWD Undersecretary Luz Ilagan kabahin sa pipila ka brgy opisyals nga gikasuhan sa piskalya ning rehiyon.
Miingon si Ilagan nga bisan sila ang nakadawat sa susamang reklamo apan maoy gitahasan ni Pres Rodrigo Duterte ang DILG nga mo-disiplina sa maong badlungon nga brgy officials.
Samtang nagtoo si Association of Brgy Councils o ABC Federation President ug Brgy 40 Kap Alam Lim nga dunay nalambigit nga kapitanes sa anomaliya sa SAP ning syudad.
Kini human gisugdan na sa DILG ug CIDG-10 ang pag-imbestigar sa pipila ka brgy opisyales tungod sa reklamo sa dili patas nga pag-release sa SAP ngadto sa ilang katawhan sa kabarangayan.
Miingon si Lim nga unta dili maapil ang syudad nga magkabaton sa kaso kurapsyon tungod lamang sa SAP distributions.
