CAGAYAN DE ORO CITY – Kasuhan sa Criminal Investigation and Detection Group – Misamis Oriental ang duha ka gitoohang sakop sa rebeldeng New People’s Army nga nakasibat dihang gisilbi ang search warrant sa Sitio Tugas-tugason, Blanco, Balingasag,Misamis Oriental.
Gibutyag ni CIDG-MisOr operations head Lt Noel Oclarit nga maoy ilang kasuhan sa kasupakan sa Republic Act 10591 o ‘An Act. Providing For A Comprehensive Law on Firearms and Ammunition ang at large nga sila si Junrey Hilogon ug Bernie Gandinao nga target sa operasyon.
Una nang nasikop sa mga operating teams ang pito ka mga gitoohang sakop sa NPA nga sila si Pablita Hilogon, Dandi Hilogon, Bambi Hilogon, Jayson Langka, Reynaldo Ayuma, Glenn Hilogon ug Padot Sereño.
Nakompiskar gikan sa mga suspek ang giingong tulo ka shotguns,duha ka kalibre 38 nga armas,mga bala sa M14,M16,IEDs ug mga magazine sa AK-47 ug kalibre 45 nga armas.
Nasuta nga pipila sa mga suspek ang natumbok nga dunay pending warrant of arrest sa kasong kriminal dihang aktibong sakop pa sa NPA.
