CAGAYAN DE ORO CITY – Misamot pa ang paghuyang sa kalihukang armado sa mga rebeldeng New People’s Army nga naglihok sa mga bukirang bahin sa Bukidnon.
Kini human kompirmaha ni 4ID spokesperson Lt Col. Francisco Garello Jr nga dugang dul-an napulo ka aktibong sakop sa mga rebelde ang mitahan sa 8th Infantry Batallion sa lungsod sa Impasug-ong sa lalawigan.
Miingon si Garello nga ang maong mga mitahan nga mga rebelde ang nabilin nga mga kauban sa ilang taas nga kumander nga si Randy Bayot nga una nang mibalik-gobierno sa Malaybalay City sa miaging Mayo 8 ning tuiga.
Bitbit sa pag-surender sa maong mga rebelde ang lain-lain nga tag-as nga mga armas.
Hisayrang gitahas ni 4ID commander Maj Gen Jose Maria Cuerpo II kang 403rd IB commander Brig Gen Michelle Anayron Jr nga huruton na pagpa-surender ang NPA combatants aron deklarado na nga insurgency free ang Bukidnon ning tuiga.
