CAGAYAN DE ORO CITY – Nangaulian na sa hilanat ang pito sa siyam ka residente nga unang gipaubos sa hugot nga monitoring sa Sitio Pinikitan,Brgy Camaman-an ning syudad.
Kini human unang mihimo’g house to house monitoring ang city health office o CHO tungod sa namatay nga pasyente nga positibo sa Coronavirus disease sa maong lugar.
Miingon si City Health Office epedemiologist Dr Joselito Retuya nga duha na lamang ka residente ang ipaubos sa sputom exam tungod sa dili ordinaryo nga ubo nga nahuptan niini.
Una nang gitagsa-tagsa’g pangutana sa CHO ang mil- 003 ka pamilya o 3,604 ka indibidwal epekto sa positibong kaso sa bayrus sa maong lugar.
