CAGAYAN DE ORO CITY-Namiligro maputla’g mga tiil ang duha sa pito ka sundalo nga nabutha’g improvised explosive device o IED nga gitanom sa teroristang Maute-ISIS sa war zone sa Marawi City.
Kini human makaangkon sa grabeng mga samad ang maong mga sundalo samtang mihimo’g clearing operation sa mga gambalay nga gipangtaguan sa mga terorista.
Namahayag si Joint Task Force Marawi spokesperson Capt Joan Petinglay nga maoy nakapalisod sa ilang operasyon ang daghang IEDs nga gipangbutang sa mga terorista sa mga gambalay nga kanhi niini gipang-okupahan.
Hisayrang sa kapi’g 80 ka adlaw nga engkuwentro sa Marawi City,532 na ka terorista ang patay,128 ang govt forces ug 45 ang mga sibilyan.
