CAGAYAN DE ORO CITY-Napatay sa militar ang upat ka sakop sa teroristang Maute-ISIS sa kapi’g usa ka oras nga
engkuwentro sa bukiran bahin sa Lanao del Sur.
Miingon si Task Force Ranao deputy Col Romeo Brawner nga nasubo usab sila tungod sa pagkadamay sa duha ka sibilyan nga naipit sa engkuwentro diin sila nakabsan sa kinabuhi.
Dugang ni Brawner nga napatyan usab sila sa usa ka sundalo tungod sa maong engkuwentro.Sa pagkakaron,padayong gilusad sa militar ang operation sa maong hitabo kagahapon sa buntag.
Grupo pa gihapon ni Maute-ISIS sub commander Benito Marahomsar alyas Abu Dar ang naka-engkuwentro sa militar sa maong lugar.
