CAGAYAN DE ORO CITY- Padayon nga gisuta sa 8th IB,Philippine Army ang grupo sa mga armado nga naka-engkwentro sa rebeldeng New Peoples Army diha sa Brgy Dao,San Fernando, Bukidnon.
Gipanghimakak ni 1Lt Erwin Bugarin,hepe sa civil military operations sa 8th IB,Philippine Army ang report nga militar ang naka-engkwentro sa mga rebelde nga miresulta sa daghang patay.
Si Bugarin miingon nga ilang gisuta karon kon unsa nga grupo ang na-engkwentro sa mga rebelde nga milungtad
sa pila ka minutos ang panagsinukliay sa mga bala.
Hisayran nga nakadawat sa impormasyon ang Bombo Radyo nga gi- ambush sa NPA/SCB-SRC ang grupo ni Private Benjamin Salusad alyas Loloy samtang nagpatrolya nga gikamatay sa pito ka tawo ug nailog usab ang mga armas gikan sa maong grupo.
