CAGAYAN DE ORO CITY-Kasuhan sa pagbaligya ug paggamit sa gidiling droga ang 7 ka suspek nga unang nasikop sa kapolisan diha sa Block 2,Ramonal Village,Brgy Camaman-an sa syudad sa miaging kadlawon.
Kini human nasikop ang mga suspek nga sila Antonio Inso, 56; Edgar Dela Serna, 46; Eli Bryan Maneja, 30; Ryan Montecillo, 29; Wilbert Edrote, 24 ug Arn Royal nga aktong nasapon sa pagsuyop sa gitoohang shabu.
Gidakop usab sa mga otoridad ang tag-iya sa gitoohang drug den nga si Luzviminda Medrano. Una niini, mupahigayon unta sa drug buy bust ang mga operatiba sa Carmen Police Station apan wala silay naatulan nga tigpayuhot niadtong tungora.
Apan mihimo’g dugang pakisusi ang Cogon Police Station hinungdan nga na nadiskobre nila ang drug den sa maong lugar.
