CAGAYAN DE ORO CITY – Gihupay sa Cagayan de Oro Water District/COWD ang kahingawa o kabalaka sa katawhan kabahin sa bitbit nga kredibilidad sa naglangkob sa special audit team nga gipadala sa Commission on Audit/COA-Manila dinhi sa syudad.
Kini human tahasi ang 7-man COA special team sa pagsusi sa tanang aspeto sa joint venture agreement o kontrata tali sa COWD ug Metro Pacific Water diin naporma ang Cagayan de Oro Bulk Water Incorporated/COBI nga nag-suplay sa panubig sa distrito uno ning dakbayan.
Gibutyag ni Dr. Gerry Caño,chairman of the board sa COWD nga bugtong tahas sa maong team nga susihon ang katibuk-ang legalidad sa kontrata ug ubang konektadong transkasyon sa gisudlang joint venture agreement sa COWD ug MetroPac sugod tuig 2017.
Hisayrang mismo ang city govt ug ang regular COWD board of directors ang nangunay pag-request sa COA-Manila nga susihon ang kasamtangang kontrata sa panubig sa dakbayan.
