CAGAYAN DE ORO CITY – Gisuspenso sa National Electric Adminstration o NEA ang pito ka aktibo ug kanhi miembro sa board of directors sa Misamis Oriental Rural Electric Service Cooperative-2 sa Medina,Misamis Oriental.
Kini human nangutang sa sobra 300-milyon pesos nga salapi sa bangko nga wala mananghid sa NEA sa tuig 2018.
Giila ni MORESCO 2 Project Supervisor Edmundo Pacamalan Jr ang mga gipang-suspenso nga sila si Ernesto Ohiman sa Lagonglong District, Romeo Acenas sa Talisayan District, Eduardo Bacasnot sa West District Gingoog City, Engr Amado Ke-e sa Medina District, Mark Valdevilla sa East District Gingoog City,Engr. Danielo Jamolin sa Magsaysay District ug si former member Lydia Enterina ng Talisayan District.
Sila gisuspenso sulod sa 90 ka adlaw samtang gipaubos sa imbestigasyon ang illegal nga transaksyon.
