CAGAYAN DE ORO CITY – Gikompirmar ni DoH-10 asst regional director Dr David Mendoza nga pito ka tawo na ang napaubos sa hospital isolation tungod sa pagduda nga nagbaton sa sintomas sa corona virus dinhi sa rehiyon.
Kini sukad mikuyap ang maong bayrus diin duha sa maong mga tawo ang gipagawas na kay negatibo sa mga sintomas sa bayrus.
Miingon si Mendoza nga pabilin nila gihulatan ang resulta sa swab tests sa napiling mga pasyente diin may nahimutang sa Northern Mindanao Medical Center samtang may nadala usab sa provincial hospital sa Misamis Oriental ug Camiguin.
Samtang giangkon ni Misamis Oriental Provincial Health Office hea Dr Jeri Calingasan nga may OFW nga gikan sa Hong Kong ang gipaubos sa hospital isolation.
Kini human nakasinati sa hilanat ang maong Pinay worker pipila ka adlaw gikan sa iyang pag-abot sa lalawigan.
Miingon si Calingasan nga gi-report na usab nila kini sa Dept of Health -10 diin gikauhaan na’g swab sampling ug gipadala sa kauluhan sulod ning semanaha.
