CAGAYAN DE ORO CITY, Philippines – Pito ka mga opisyal sa Office of the Vice Presidente ang gipa-subpoena sa House committee on good government and public accountability, tungod sa isyu sa sayop nga paggamit sa pundo sa gobyerno ubos sa opisina ni Vice President Sara Duterte. Gibutyag ni Committee chair ug Manila 3rd District Rep. Joel Chua nga ika-upat na kahigayon sila gipatawag sa komite ug lauman nga pahamtangan sa mas bug-at nga silot ang muliban sa sunod nga ipatawag nga hearing.
Posibleng mupagawas arrest warrant ang kamabaha batok nila OVP Undersecretary ug chief of staff Zuleika Lopez, assistant chief of staff ug Bids and Awards Committee (BAC) chair Lemuel Ortonio, Administrative and Financial Services Director Rosalynne Sanchez, Special Disbursing Officer (SDO) Gina Acosta, chief accountant Julieta Villadelrey, former Department of Education (DepEd) Assistant Secretary Sunshine Charry Fajarda ug former SDO Edward Fajarda.
Kagahapon, maoy mitunga si former OVP ug DepEd Spokesperson Atty Micheal Poa. Gipasabot ni Poa sa komite nga nahuman na ang iyang kontrata sa OVP ug DepEd busa dili na kini konektado sa duha ka ahensya. Gihimakak abogado ang report nga usa siya sa gilangkat sa posisyon ni Vice President Duterte.
