CAGAYAN DE ORO CITY – Patay ang pito ka tawo samtang lima ang kritikal ang kondisyon sa ngilngig nga disgrasya sa Zone 2,Brgy Apalaya,Jasaan,Misamis Oriental kaganihang kadlawon.
Giila ni Jasaan Police Station commander Major Evary Bacunaua ang duha sa dead on the spot sila Aplaya Brgy KAGAWAD Wilredo Capillador Jr ug Lemuel Edorot.
Samaran usab ang mga kabanay sa pamilyang Monticello, Lauron ug Kampion nga gikan pa sa pagtambong sa last vigil sa maong dapit.
Gibutyag ni Bacunaua nga nawad-an sa kontrol ang driver sa trailer truck nga si VINCENT ABULOC ug naputol ang iyang ”chasis” nga mikarga sa usa ka bulldozer.
Nadaro niini ang mga nakaparada nga 13 ka motor; natabo ang dul-an lima ka pribadong sakyanan, ug daw napisat ang multicab nga gipanag-iya sa maong brgy.
Gidala usab sa ospital ang pahenante ni Abuloc human gikulata sa mga pamilya sa mga biktima.
Nagkalisod sa pag-retrive sa mga patay’ng lawas ang mga otoridad kay pipila niini nangabaliansa mga bukog ug napisat sa grabeng impak sa pagkadaro
Lakip usab nadamay o partially damaged ang balay ug tindahan sa mismong lugar sa disgrasya.
Kasuhan sa reckless imprudence resulting to multiple homicide ug damage to properties sa kapolisan batok suspek ning adlawa.
