CAGAYAN DE ORO CITY-Ipadayon sa mga sundalo nga samaron ang ilang pag-serbisyo sa katawhan bisan sa gidangatan nila batok sa rebeldeng NPA atol sa engkuwentro sa bukiran sa Misamis Oriental ning semanaha.
Kini ang pasalig ni PFC Regie Joy Duyan kinsa kabahin sa naangol human rapidoha sa mga rebelde samtang ila untang dad-on sa headquarters ang patay’ng lawas ni PFC Oshen Rosala nga residente sa Barangay Napaliran,Balingasag,Misamis Oriental ug Cpl Marzon Morales nga nagpuyo sa Salvador,Lanao del Norte.
Kabahin usab sa mga samaron nga sila si PFCs Marquin Variacion;Vincent Nino Lopez,Sgt Joshua Dilawan ug Ramon Balibagon Jr nga naka-confine sa Camp Evangelista Station Hospital ning syudad.
