CAGAYAN DE ORO CITY – Luwas na ang pito ka sundalo ug duha ka sibilyan nga nabuthan sa anti-personnel mine sa tiilan sa NCGP Tower 53 sa lungsod sa Buadiposo Buntong,Lanao del Sur.
Kini human wala mabantayi sa unom ka sundalo gikan sa 55th IB,Philippine Army ug duha ka NGCP employees nga may bomba gitanom sa wala mailang mga suspek sa gibantayan nila nga tore.
Miingon si Lanao del Sur Provincial Police Office Director Col Christopher Panapan nga gisuta pa sa ilang mga sakop kon kinsa ang sekreto mibutang sa bomba aron mabuthan ang mga biktima.
Gigamitan pa sa mga helicopter sa Philippine Air Force ang pagkuha sa mga biktima aron mapadali ang paghatag medikasyon sa Amai Pakpak Medical Center sa Marawi City kagahapon sa buntag.
