CAGAGAYAN DE ORO CITY-Kritikal ang upat sa pito ka trabahante nga nabuthan sa drum nga may sulod nga gasolina sa Brgy Dalirig,Manolo Fortich,Bukidnon kagahapong adlawa.
Giila ang mga biktima nga sila si Rogel Divinagracia;Edso Gonzales;Mark Anthony Bulac;Teofilo Adlawon;Romy Anlicao;Eddie Amper ug Edgar Apapas nga pulos nagpuyo sa maong lugar.
Gitinguha unta sa mga biktima ang pagputol sa maong drum gamit ang dinagkotan nga acyteline sa dihang kalit gidakop sa kalayo ang gasolina hinungdan sa pagbusikad niini.
Gilayong gidala ang mga biktima diin upat kanila ang kritikal nga anaa diha sa Northern Mindanao Medical Center.
