CAGAYAN DE ORO CITY – Gipapauli na sa city health office ang pito ka empleyado sa telecommunications company nga unang nag-positibo sa rapid diagnostic test nga gihimo kanila dinhi sa syudad sa miaging semana.
Kini human unang gimando ni City Mayor Oscar Moreno nga isulod sa city isolation unit ang maong mga empleyado aron ipaubos sa 14 ka adlaw nga kuwarantinas.
Miingon si City Health Office Epidemiologist Dr. Joselito Retuya nga nasuta nga negatibo sa COVID-19 swab test ang maong mga pasyente,rason nga nakabalik na sila sa ilang mga pinuy-anan.
