CAGAYAN DE ORO CITY – Pabiyahe na pabalik sa South Korea ang barko nga gikargahan sa 70 ka containers vans diin nakasulod ang mga basura nga kanhi gipalusot sa Verde Soko Philippines diha sa Sitio Bugwak,Brgy Sta Cruz,Tagoloan,Misamis Oriental.
Kini human nakarga na ang maong mga basura aron ibalik sa South Korea.
Miingon si Mindanao Container Terminal collector John Simon nga ang nabiling 30 ka container vans ang gilayong iapas usab pagbiyahe sakay sa laing barko sa adlaw’ng Sabado o Domingo.
Gitratar ni Simon nga dakong kadaugan alang sa katawhan nga proteksyonan ang kinaiyahan dihang milampos ang gobierno sa pagpalayas sa mga Koryano nga maoy nagpalusot sa mga basura sugod Hulyo 2018.
