CAGAYAN DE ORO CITY – Misaka pa sa 70 ka tawo ang nadakpan nga nakasupak sa gipatuman nga election gun ban sa Northern Mindanao region.
Kini maoy sulti ni Police Regional Office 10 spokesperson Major Joann Navarro nga sa maong mga dinakpan, 60 ka klase-klaseng armas ang nabawi gikan kanila.
Siya miingon nga mitala na usab sa 614 ka nagkadaiyang bala ang naka-kustodiya kanila gikan sa mga dinakpan.
Namahayag ang opisyal nga nag-atubang na sa tukmang mga kasong kriminal ang mga dinakpan sa nagkadaiyang piskalya palibot sa rehiyon.
Hisayrang sa mga dinakpan,nag-apil na niini ang duha ka pulis,usa ka sundalo ug laing personalidad gikan sa Bureau of Customs.
