CAGAYAN DE ORO CITY, Philippines – Madawat ang retroactive benefits alang sa mga pamilya nga nabalik sa listahan sa Pantawid Pamilyang Pilipino Program o 4Ps.
Base sa report sa Department of Social Welfare and Development, mukabat sa 700,000 ka pamilya ang gibalik sa listahan sa 4Ps.
Ang mekanismo nga gibasihan sa pagbalik kanila sa listahan, gisubay sa assesment nga gilusad sa ahensya.
Gibutyag ni DSWD Assistant Secretary Irene Dumlao nga retroactive ang pagbalik sa benepisyo sa mga benepisyaryo.
Kini nagpasabot nga makuha sa tanan benepisyaryo ang ilang binulan nga alote sa gobyerno sugod Enero Hangtud Disyembre 2023 nga period.
Nagpasidaan si Dumlao sa tanan miyembro nga ang alote sa gobyerno kinahanglan gamiton lamang para sa edukasyon sa mga bata.
