CAGAYAN DE ORO CITY-Dili angay isalig lamang sa publiko sa mga otoridad ang pagsumpo sa bahad sa kriminalidad ilabina ang terorismo sa syudad.
Kini ang gibutyag ni City Vice Mayor Rainer Joaquin ‘Kikang’ Uy alayon sa daghang aktibidad sa kapistahan ni Sr San Agustin sa syudad sa Agosto 28 ning tuiga.
Miingon si Uy nga dako’g ikatabang ang aktibong partisipasyon sa publiko aron mapugngan sa kapolisan ug force multipliers ang pagsabotahe sa seguridad sa kabarangayan sa dakbayan.
Samtang ipakatag sa PNP-10 ang anaa sa 700 ka pulis aron paghatag seguridad sa mga kalihukan alayon sa kapistahan sa patron San Agustin sa syudad sa Agosto 28 ning tuiga.
Kini human naka-sentro ang PNP ug ubang force multipliers pagsanta batok sa bahad sa terorismo nga dala sa pipila ka radical group nga tuyo mosabotahe sa syudad.
Miingon si PNP regional spokesperson Supt Surki Serenias nga andam na maong mga pulis aron idugang sa Cagayan de Oro City Police Office o COCPO nga anaa sa level 3 ang giimposar nga ka alerto gumikan sa taas nga bahad sa terorismo sa dabkayan.
