CAGAYAN DE ORO CITY, Philippines – Wala na masalbar sa mga rescuers ang babayeng piloto nga nagpalupad sa RP Chopper RP-C3424 ug walay swerteng mitabugsok sa basakan sa Arimug-mong sa Barangay San Miguel, Guimba, Nueva Ecija, Sabado sa hapon.
Naila ang biktima isip piloto ni television host ug senatorial candidate Willie Revillame.
Kagabii, personal nga miduaw si Revillame sa HM Mina Funeral Services sa Guimba, diin nahimutang ang lawas sa biktima.
Gilauman nga ipadala ang lawas sa biktima sa Heritage Park sa Taguig City, Metro Manila, ugmang adlawa.
Sa pagkutlo ning balita, nagpadala na ang Civil Aviation Authority of the Philippines (CAAP) grupo sa crime operatives aron mulunsad sa forensic processing, post-mortem examination, ug technical investigation aron madeterminar ang hinungdan sa pagkahagsa.
Gibutyag ni CAAP spokesperson Eric Apolonio miingon nga ang chopper mibiya sa Manila alas 10:22 sa buntag sa Pebrero 1, 2025 ug mitugpa sa Baguio aron maghatod sa mga pasahero.
Subli mitugpa ang chopper sa Binalonan aron magpatubil sa lana pagka alas 12:05 sa udto.
Una nang namatikdan sa mga airport officials nga nagkalisod ang piloto sa pagpaandar sa makina, sa dili pa kini mibiya alas 4:30 sa hapon.
Ulahi nang nasayran sa Binalonan Airport officials nga nahagsa ang chopper sa basakan sa Purok Arimungmong pipila ka oras human kini mibiya sa tugpahanan.
