Pulido nga dalan, pagtukod sa drainage gikinahanglan aron batukan ang lisud nga pagsaka sa mga dakung truck sa basura sa Sanitary Landfill.
Long term solution ang gipangita sa committee on environment kalabot sa husto nga paglabog sa mga basura sa sanitary landfill sa Barangay Pagalungan, ning syudad.
Sa gilusad nga sesyon sa konseho, namahayag si Kagawad Enrico Salcedo, ang chairman sa komite nga ang problema sa lokasyon sa landfill mao ang grabeng pita human mububo ang ulan.
Kini ang rason nga magkalisud sa pagsaka ang mga dagkung trak sa basura, kay gakalubong sa lapok ang mga ligid.
Misugyot si Salcedo nga tukuran sa polido nga dalan, ug butangan sa drainage ang agi-anan sa truck aron mababagan ang maong kalisdanan.
Gawas niini, laraw sa komite nga irebyhu ang performance sa kontraktor nga maoy nagdumala sa landfill ug magbuhat sa solid waste department nga maoy mukugi sa pagmugna sa long term solution sa sistema sa pamasura sa syudad.
Samtang wala pay pondo ang syudad aron makamugna sa access road, temporaryong mihangyo si Salcedo nga magbutang sa heavy equipment sa landfill aron maoy mubitad sa mga trak nga malubong sa pita.
