Taas ang fatality rate sa Nipah Virus. Kini ang gikompirmar ni Dra. Jennifer Cagadas sa Northern Mindanao Medical Center (NMMC). Si Dra Cagadas miingon nga mas delikado ang bayrus nga dala sa NIPAH itande sa Corona Virus o COVID-19.
Nabalaka si Cagadas ug ang iyang mga kaubang doktor sa kaisog sa maong bayrus kay hangtud karon mikuyanap na kini sa India ug wala pay tambal nga mibatok niini.
Subay sa ilang pagtuon, anaa sa 40% hangtod 75% sa mga tawo nga matakdan mahimong mamatay depende sa outbreak ug sa kalidad sa clinical care sa lugar nga maapektohan.
Posible pa kini mosaka hangtod sa 90% mortality rate kung dili makontrolar ang mga sintomas, lakip na ang kapasidad sa mga hospital sa pagdawat sa mga pasyente.
Hinoon, gitin-aw niini nga wala pay rason nga mabalaka ang Pilipinas kay bisan wala pay kaso sa nasud, nag-andam na daan ang Department of Health kauban ang Bureau of Quarantine aron bantayan ang mga tugpahanan ug pantalan ug masiguro nga ma-monitor ang posibleng pagsulod sa maong sakit
