Gipatin-aw ni Dra. Jennifer Cagadas sa Northern Mindanao Medical Center (NMMC) ang kalainan sa Nipah Virus ug COVID-19.
Sa iyang interbyu sa Bombo Radyo, miingon si Cagadas nga bisan paman parehong virus ang duha ka sakit nga makatakod sa tawo, aduna silay hinungdanong kalainan sa paagi sa pagkaylap.
Gipasabot niya nga ang Nipah Virus, bisan adunay susamang flu-like symptoms, dili sama sa COVID-19 nga dali ra mukatag pinaagi sa hangin.
Mas kasagaran matakdan ang Nipah Virus pinaagi sa food contamination gikan sa mga hayop nga infected sa maong sakit. Kung ang tawo infected, ang pagkaylap mahimo lamang pinaagi sa close contact sa mga lawasnon nga fluids sama sa laway, dugo, ubo, ug uban pa, apan dili kini dali mutakat sama sa COVID-19.
Giklaro usab ni Cagadas nga wala pay bag-ong kaso sa Nipah Virus sa Pilipinas sukad sa natala niadtong 2014 sa Sultan Kudarat. (Phillip Ariata)
