CAGAYAN DE ORO CITY – Gitangtang ni LTO regional director Oscar Salcedo sa trabaho ang 72 ka empleyado nga dili pasado sa exam sa Civil Service Commission o CSC.
Kini human nasuta nga 31 lamang sa 103 ka job orders ang nagbaton sa eligibility aron maka-trabaho sulod sa LTO-10.
Miingon si Salcedo nga dili mahimo nga mapihig kadtong college graduate nga anaay eligibility nga maka-trabaho tungod lamang sa pipila ka empleyado nga dili kuwalipikado kay nakasulod gumikan sa mga padrino lamang.
Hinoon,abli pa gihapon ang LTO-10 alang sa maong mga empleyado kon sila makapasar na sa eksaminasyon sa Civil Service Commission.
