Giyukbuan ni Mexican President Claudia Sheinbaum ang dul-an 30 ka mga operatiba nakalas gikan sa duguon apan malampusong paghipos kang Nemesio Rubén Oseguera Cervantes, mas nailhan nga “El Mencho”, ang lider sa Jalisco New Generation Cartel (CJNG).
Sa iyang pag-atubang sa publiko, iyang gipasabot nga kalinaw ug seguridad ang tumong sa gilusad nga labing dakung pagronda batok sa iladong Drug Kingpin sa Mexico City.
Human sa lapad nga operasyon kapin kun kulang 20 ka mga sakyanan ang nasunog, ug 62 tanan ka tawo ang namatay human lakip sa misukol ang mga tawo sa napatay nga drug trafficker.
Sa pagkutlo ning balita, gimando ni President Shienbaum ang pagpakatag sa kapin 10,000 ka mga sundalo sa syudad ug sa ubang lugar nga gitoohang baluwarte sa mga tigpayuhot sa ilegal nga duga. Hisayran nga si El Mencho giingong pinaka-wanted nga drug lord sa Mexico ug Amerika nga adunay patong sa ulo sa balot $15 milyon gikan sa U.S. authorities.
Naila usab ang CJNG isip labing brutal ug pinakadako nga cartel, nga naglihok sa daghang estado sa Mexico ug sa gawas sa nasud.
Tungod sa pagkamatay sa ilang lider, daghang eksperto nagtan-aw sinugdanan na kini sa pagluya sa sirkulasyon sa ilegal nga druga pasulod sa ilang nasud.
